Betu abuee !
NB. 1. (Kasuabanga 2003) Nuamanya: Panyima pa Munyaku mumane kumueka mu mabeji munda mua mvula muanda mutekete, lelu ewu , mu cidimu ciawu cia muanda mukulu, nguewu washishi kupatuka mu Internet mu ngondo ewu wa Kasuabanga wa cidimu cia 2003.
Bua dipatuka diawu dia musangu ewu wa kumpala, tuvua batentule malu avua mafunda mu Munyaku 7: 9 wa kasuabanga 2002
NB. 2. (Kasuabanga 2005) Bakulu bambile ne: "Muntu ufunda muende; Mulopo pende ufunda muende". Mvula yapici ibidi. Tuafiki ne mu Kasuabanga 2005. Biamu bia nzembu bivua bitutacishe mu Mbujimayi, mbitupangishe mua kupatula Munyaku ewu mu Internet ku ngondo ku ngondo. Ku diambuluisha dia balunda betu bakuabo ba ku Mputu, tuvua balengeje bimue bitupa bia Cibanza cietu eci. Nansha bikale nanku, Minyaku milondangane yoyo kayena mianji kupatukamu to.
Kadi bua Luse lua Maweja, tuapeci mpindiewu cibambalu cietu cia Alfa Kasayi mu Bruxelles. Mu ngondo idi kumpala eku tudi mua kulengeja Cibanza eci cia www.AlfaKasayi.org bimpe, bua tumone mua kunupatuila Munyaku ku ngondo ku ngondo. Apo kumpalampala, netuanji kunufikishila mianda ivua mipatuke mu Minyaku ya mu bikondo bishale. Pashishe, netukuate mudimu wa diteka Minyaku mipiamipia ku Cibanza eci cia ku Internet ku ngondo yonso.
Tuasakidila bua panualeja lutulu.