Cibangabanga mukua Nsumpi,

Umuenene mudi nkulu ilonda Cibala wa kalengedi nabo,

Udi Kabeya Nkongolo anyi udi Nyemba wa babilolo,

Tuyaku kuenu Kabeya Nkongolo mukulu muena Nyemba,

Kabeya wa badi baneme nyima wa bukalenge,

Mudiangomba wa bena nkashi bena lumu,

Balumiana badi bananga kuenda mazengu,

Ne lumu luela mu mpaya,

Wa kamuendi mbuji munda munya,

Ke kudi Kajikija wa Lukueta,

Udi muambe bishi diba munda munya, Muamba wa Mbayi,

Ditutu wa mua Kabeya wa Mpibua,

Ne Ntumba wa mua Kalonji wa Muamba,

Tutuadije ku bena Muamba,

Muena Kasadi muena Kankuenda,

Muena Ciongu, muena Kabangu,

Udi muena Ndaya wa mua Dibeya wa Citungi,

Muena Musuamba ne Kazambu wa Makolo,

Katumba ne Kanyema ne Mvuanda Kayicikidi Luboya,

Kuvua cina ciupuka mu lukanda,

Kuvua Mutondo wabamba kalenga diulu Kasonga Mfuamba,

Tendayi wa ba Kamanga wa Mubadi Kaseya,

Muvua Kasadi Misodi ne Mpoyi Munjimba,

Wa bayile kanua kabondo mayi, e kubengela mu Lusambu,

Kuvua Miciabu ne Cimbemba Cibangu,

Mikela Kayembe ne Kalenda Ngulungu,

Nkashama wa badi batua mukila mu Cilambu,

Ditutu wa mua Kabeya wa Mpibua,

Wa mu Kasense ka Mpaya wa Cilanda,

Mu Katadi mua Kalolo wa Nkambua,

Mu Cianga ne mu Ndibu’a luonji,

Muvua Mfunyi ne Cilomboji,

Luketa Kashala ne Kadima Kalombo,

Musadi wa mu Lubanga lua Cilumba,

Kelekelele kua Kanyinda wa Nkonga ne Mulamba wa Nyemba,

Muena Mbowa muena Mulanga,

Wa bamuenene lukunza lupueka pa mayi,

Muena Lumba muena Kanyeba,

Mpanya kutonkesha tonkutonku e kuela mu mpaya,

Muvua Bamuila ne Muya ku bena Ngenge,

Ngatu nebe e kualuka nebe Kabeya Nkongolo

Nkadi nkeba mua kulanyangana nebe,

Udi Mulaja Ngulungu,

Cimanga’a Kabengele,

Kabanga Mitumba, mukalenge Ntumba wa bakua Nsumpi,

Kalonji wa Lukusa wa mu Nsanga mujika buanga,

Wa Mbayi wa Kalonji kabanda ne Kalonji kapueke,

Kabandile nka muena Ntumba wa mua Kalonji wa Muamba,

Kayile kaasa mu Ciiya,

Kapuekele nka Lupiamambu Kalonji, kayile kaasa ku bena Nyemba,

Kalonji wa batapile Muleka balekeele Cilanda,

Bavua bele muntu mu diima,

Bufuku buila e muntu kununka,

Batuile ngandu mulonda munda,

Mulonda wa ngandu kawulondolondo,

Wa mu Ntumba idi mienze mulongolongo,

Ntumba idi miteka buena mponda,

Ke kudi Ntumba Kalembelembe muana mutekete wa citenda,

Ntumba Manyina Dibelayi wa mukalenge Nzambi,

Ntumba Kabuakantanda Ciyembi,

Ntumba Mukuacila wa mukalenga,

Ntumba wa Lusangasanga Kangomba,

Ntumba Ciboko wa ba Kalanga,

Ntumba wa Ciamala mukalenga,

Ntumba wa Kalumanyi wa Muela,

Ne Ntumba Kabamba muena Cisabi wa mua Maweja Cibangu,

Nzubu wa bena kutula muele kualuka nawu,

Newukebe mputa wa dimuedimue,

Wapicila mua muena Ntumba wa mua Kalonji wa Muamba,

Wa mu Ciiya mu kabuula kasaka keela mponda,

Kadi kashala nka kuela muteta,

Mudiangomba wa kuvua Mbuyi manji Cidibi manji,

Bukasa manji, Mukendi manji,

Kankuenda manji, Musoko manji,

Lukusa manji, Mulamba manji,

Kadi nnganyi wapeshangana mbinga,

Muena Mbuyi wa mua Cidibi Kalenda,

Cisalu wa mua Maweja Cibangu,

Muena Mukulu wa mua Ditutu Nsantu wa Kona,

Cibuabua wa mua Kapuya Mulumba,

Cisalasala ne Ciabanyembi Kalonji,

Ne Batayo tubikila bu Kalonji,

Udi wa Ciamala Cimpanga ne Bukasa Muanyangobo,

Kuvua Mukebayi Kabuya wa ba Kankuenda,

Mukenga wa cienda mu mponda,

Kuvua muena Mpulumba muena Cintetu

Wa badi bashala ku mutumba,

Mutu wa lubanza katumbisha muena Muadi,

Kuvua Basendeka nyingu,

Mulambuila wa Musoko

Wa Mukadi neMukendi Cilombo

Ne Muadiamvita muena cilonda,

Kaciunga muvuala ngola wa Kankuenda,

Mashinda a ciona mbanza Mbenga wa mukalenga,

Nzolo wa ndaala’a kuulu kulaadi panshi wakunyanga makuyi,

Udi wa Kalumpempa Ciabula mianda,

Mukalenga wa kulambula Nkashama,

Lelu bamulambulu mvuadivuadi,

Nsungi wa lubeji wa luyombu,

Wa Muana’a Muteba Nsana wa ba Cibangu

Ne Kadima Mukanku,

Mu Mbuyi idi mienze mulongolongo,

Kuvua Mbuyi Mbalabu muela Cidibi muoyo,

Meme anu basele bu Kalenda,

Meme anu kulela bu Kalenda,

Muvua cidima ciela mayeba,

Mbuyi wa Mbuyi wa ba Mutombo Kaboza muena Muadi,

Muvua Babela bapanga mukalenga Diima,

Wambila mua kulenga mu diulu,

Mu diulu pamu kamuyi mua kupeta kulenga,

Mbuyi wa Mpulumba mukua Kapanga nyindu wa bujitu,

Muvua Kanda kanua maala kabiola maala,

Udiadia ne tuminu ku bianza,

Mbuyi wa Cikuna wa Kamuanya,

Muvua Katunda ne Diwola Kasanji,

Mbuyi wa Ciseba Ciabanda ne nyima Nkongolo wa Lukanda mvula,

Kabeya Kanda wa mua Cikala Luaba mikoko,

Kabunda wa Mabika wa Citungi,

Muvua Musanka bamuela nkanu Mpoyi wa Mukendi,

Muvua Mansanga Cidibi wa Mbayi,

Kapumbu Ngole ne Citeba wa Mbayi,

Tuafiki kuetu kua Nyemba wa ba bilolo,

Muvua Kalala ka cibawu wa ciendelele,

Babunda Ntambua babunda Nkashama,

Kacia muana wa Nkuba ki mmubunda pa muaba,

Kua Kasonga Mayi Muluba muena Kabinda,

Muena Citolo mukuaYimba Mukuna,

Kuvua Kapumbu Ngole muena ciondo,

Kua Cipanda ne Mbulayi wa Leba,

Muena Cimpata wa ku Muya,

Muena Mungelu muena Dipumba,

Kuvua Mpenga Cidibi ne Mpenga Kambanga,

Ne Mpenga Cikanda mulemule wa Cibangu,

Ciamala wa Kabandanyi ne Ngongo wa Mpenga,

Bajila Ngandu wa mu Kayemba kuowela Ciala,

Banua bacimba ne Ciala ku mualu,

Ciala nkayenda ke uvua munyange,

Bualu uyile kenda bundumba,

Kuvua Musuamba Kakunze ne muena Kadiamba,

Ne Nyonga mupaka ne bulaba Mukendi Kazadi

Mushipula Kamanga’a ntulu wa budimbua ,

Ne Kaciunga Mpaya
Cibamba,

Mufuile bana bukua mamuabo,

Ditutu ne Kalubi wa Ngoya muena Cilanda,

Mudimba ne Mpolondo wa Kabedi,

Balumiana bayile kitaba ciondo ku bena Muamba,

Ntomboji wa batomboka munda’a munya,

Bayishile Kasonga kuinshi,

Bamuene cintu cipueka ne Muya, mukaji ki mmuambule cintu panshi,

Nansha muana ki mmulenga cintu ku bianza,

Kuvua Muana Mpunga wakuila ku muele,

Kuvua Lubamba Ngandu Kalenda Ngandu,

Kuetu kua Mbobo munene muena ciondo.