Muanda mutonda wa buena nzubu

Tudi bakidile mukanda mufume ku Ngandanjika, wa kudi tatu Norbert Mbuyi, umue wa ku basonsodi ba Kasaka ka nzubu wa kuipacila mu Cikongo cia Bernadette wa Bulenga. Udi wamba ne: Dibaka ndinanga dia babidi bua kashidi. Dine dinanga edi kadiena ne bua kuikala dia kuisu nansha dia lukuka to, apo didi ne bua kuikala dia mu muoyo. Bakulu pabo mbambe ne: «Pakusua mukuebe nuadisua nende». Pa nanku dinanga edi didi ne bua kuikala dia mulume umue ne mukaji umue. Bakulu e kuamba kabidi ne: «Sela babidi, ufua lukasa».

Pa kumvua bionso ebi, bena Kasaka ka nzubu wa kuipacila badi batata bua kufikisha bena nzubu bonso ku dinemesha cikadilu ciabo cia dibaka; pa kutentula cimfuanyi cia nzubu mulengele wa Joseph, Marie ne Yezu muana.

Munyaku pawo udi ulomba basonsodi ba Kasaka aka, bua batambe kutabalela masaama manene adi makuate dibaka mu cikondo cietu cia bena lelu, bu mudi ciselasela, diangatangana mu buivi, dikosoloka dia bena nzubu ne bikuabo.