Bansonga basela kuatayi ku mimvumvu
M
u luponda lua dilubuluja nsombelu wa bena nzubu mu buena Kristo, muanetu Mbuyamba Gilbert wa mu Cikongo cia François mu SNEL, udi utumanyisha pende muvuabo benze mudimu wa disonsola bansonga bakadi babuele mu dibaka. Kipacila kabo kavua ka kufikisha lukongo lua bansonga basela ku diumvua buneme bua dibaka. Mudimu ewu wa bukebikebi uvua muenzeke ku busonsodi bua Ndeji wa Cikongo, Abbé Omer Ntumba.Mu mibelu yende, Ndeji wa Cikongo uvua mufikishe bansonga basela ku diasa kabo kasaka, bua bikale batuilangana mu bisangilu bua kupeshangana ngenyi ya pa nsombelu muinenke wa buena nzubu.
Bua kulama civulukilu cia muanda ewu uvuabo benze mu dia 21/4/2002, bansonga aba kukunabo dibua mu lubanza lua Cikongo.
