Mbatufundile mukanda kudi muanetu Roger Ntambua, musombela kua Lungodi ne Mazaka. Munda mua mukanda, muanetu udi utulondela muanda wa dikumbula dia Nsangilu wabo wa bbtm kudi Kabamba Anaclet ne Kabeya Bernard, bena Kasaka katampakaji ka Lukalaba. Udi uleja se: kendela ka bana betu babidi aba kavua ka kunangulula ngenyi ya basonsodi pa kubapesha mamanya mapiamapia a pa ndongeshilu wa bakulumpe. Pashishe, mu luine luendu elu, kutuambuluishabo bua kunzulula kabidi Nsangilu wa bana batekete; bualu mu mine misoko eyi kacia ne kacia kamuvua cilongelu nansha.

Amu yeye muanetu Roger Ntambua ewu udi utumanyisha kabidi bualu bulenga buvua Ngenda’a mushinga kampanda muenzele Nsangilu wabo wa bbtm.

Budi nunku: Ngenda wetu ewu, Kayembe Prince, uvua mupete lumu lua diasa dia kalasa aka mu musoko. Ke kujukaye bua kuya kudimuena, e kujadikaye.

Upingana kuende, e kuasululaye luendu lua cibiidi, muambule mikanda mishilangane ya mfualansa, ya makumi ne ya ciluba, bua tulasa tupuekele tuonso tusambombo.

Bua cilejilu eci cilenga, Munyaku udi udisanga ne muanetu Roger, wela ngenda’a mushinga wetu ewu tuasakidila.