Tudi ne mukanda mufumine ku Ngandanjika, mufunda kudi munganga Mbuyi Jacques. Mu mukanda ewu, Munganga udi utumanyisha muvuabo benza ngendu minene ya busonsodi pa muanda wa disaama dia tuneke.

Udi wamba ne: Mu dia 20/6/2002, basonsodi ba malu a bukole bua mubidi bavua banyunguluke Ngandanjika mujima, benda bakobola bua baledi bafikishe bana babo ku bisalu, bualu ke njila mulenga wa kubepula ku cipupu cia tuneke.

Bua mudimu ukadi bana betu aba bakuate mu Ngandanjika ne mu misoko ya kumpenga, tudi tuela meji se: katuakumvua batemuka kabidi bua disaama edi mu Ngandanjika ne mu misoko ya ku nciamba nansha.

Bakuetu tujukayi, tuye kumpala, wa kupinga cianyima mbualu buende.