Bualu bua disanka

Kua Kanyiki, mu bakua Bowa, mbatufundile mukanda kudi mukulumpe Kayembe Cihanda Antoine, mutangidi wa citupa cia musoko ewu, cidibo binyika ne: Nkamba. Mu mifundu yende, mukalenga Cihanda udi wamba ne: Ndi ne disanka dia bungi pa kumona tatu Elamanyi ne Kasaka ka busonsodianganyi, batupeteshe bualu butuvua katuyi nabu muetu munemu mu Mbujimayi. Ndi mbeela kabidi tuasakidila wa bungi bua ditupatuila dia Cibejibeji cia Munyaku wa nsona.

Pashishe, mubadi wetu ewu udi utusonsola bua katulekedi mudimu ewu nansha, bualu wowo ewu udi uleja se: ditunga dietu didi dienda diya kumpala.

Bua kuoya ngombo, tatu Antoine udi ulomba Mulopo bua ele mudimu ewu lupembe, apeshe bawukuaci bonso muoyo wa disuminyina.

Ke dikombo dia kuenda nadio

Mubadi wetu Mutombo François Xavier, wa ku Cibombo cimuangi, udi wela bafundi ba Munyaku tuasakidila, bualu cibejibeji eci ncimuambuluishe bikole.

Ku dicibalabala, wafiki ku dimanya mua kubala mukanda wa Mvidi Mukulu mu Ciluba kumpala kua bantu, bualu mbimueke se: yeye mmukolele ku babende.