Nkashama ne Kabuluku

Lusumuinu 11

Tatu Kadima Pierre wa ku Mwene-Ditu, mu Cibangu Mpata,
mmutufundile utulondela lusumuinu lua Nkashama ne Kabuluku, wamba ne

Lusumuinu lua Nkashama ne Kabuluku

Nkashama ne Kabuluku bavua badie bulunda bua katapula kateka. Dimue dituku, Nkashama kupetaye mukenji, bamubikila ku buku buende. Kubengaye mua kuya bualu uvua musunsuke.

Mulunda wende Kabuluku e kumuambila ne: Ndi nkusombesha bilamba, tuye nebe. Nkashama e kuitabija wamba ne: Manseba wanyi, mpeshe bilamba tuye ku buku.

Pacivuabo mu njila, Kabuluku kuambila Nkashama ne: Patuafika, wewe muena buku buebe neusombe pambelu, meme mbuele mu nzubu. Nanku bobo batusekelela ne: Batatu badi mu nzubu muoyo wenu awu, meme ndi ngitaba. Diba adio nansha bafile biakudia, meme nkayanyi ke udi ubidia. Kadi bobo batuele muoyo ne: Batatu badi pambelu muoyo wenu awu, wewe udi witaba, meme nshala mupuwe.

Bafika, Nkashama kusomba pambelu, Kabuluku e kubuela mu nzubu. Katanci ne ndepe, bena lubanza kubuelabo ne citonga cia nshima ne nzolo mukole wa citaala, bamba ne: "Bukonde badi mu nzubu nshima nyeyi". Kabuluku ne: manseba,  umvu's ? Kamba nanku e kuditua mu nshima, kudia yonso nkoong ne nzolo. Nkashama muena buku buende kulaala ne nzala.

Mu dinda, kuyaye wenda ololoka, kuambilaye muena kuende ku luseke ne: "Bintu bionso binuvua batume dilolo abio, Kabuluku nkadie,  kampale. Mukaji e kuya kambila mamuende ne: Shibeya nzolo mukuabo, tuenzele Nkashama nshima. Kuenzabo nanku. Bafika ne biakudia, kuambabo ne: "Bukonde badi pambelu nshima nyeyi". Ke Nkashama kuambila pende Kabuluku ne: Manseba, se wadiumvuidi ? Kudiaye bionso, Kabuluku kushala ne nzala.

Bua kukoma lusumuinu elu, tatu Pierre udi uleja se: Cidi Nkashama ne Kabuluku benzelangane eci, cisombele cimuenekamueneka munkaci mua batatu ne bamamu cikondo cidi madilu mikale mu diku. Bobo aba badi bapuangana muoyo ku luseke lua didia mine matuku awo.

 Luela mu Munyaku 5: 4-5 wa Kabalashipu 2000