Nguvu

ne

Mudilu

Lusumuinu lua 23

Lusumuinu lua Nguvu ne mudilu

Mudilu ne Nguvu bavua badie bulunda. Nguvu uvua uya kasombesha Mudilu misangu mivule. Kadi dinga edi, Nguvu kuebejaye Mudilu ne: Mulunda wanyi, bua cinyi meme ndi mvua kukusombesha matuku onso, kadi wewe Nguvu kuyi uiye pebe muanyi? Mudilu kumuandamuna ne: Ndi ncina ne: Wakunnyema. Nguvu ne: Kiaa! Tuetu tusomba nebe matuku onso ciyi nkunyema. Amu pawavua muanyi ke pangakunyema anyi? Mudilu ne: Udi musue ngiye diba kayi? Nguvu kumuandamuna ne: Ndi musue uiye mu ditanu ku diba dia misaasa.

Nguvu musombe muende dituku dia ditanu adio, kumonaye amu bukua nyama, nyoka, mpasu biula, ne misodia... bimupita lubilu. Nguvu kubakonkaye ne: Nudi nunyema cinyi? Bobo ne: tudi tunyema mudilu. Yeye ne: Imanayi Mudilu udi uiya kunsombesha meme. Bobo ne: To; mushindu udiye uiya ki mmukumbane to. Nguvu utangila muamua, e kumona mulunda wende, ulunduka, wela ndimi. Mutanci ne ndeepe, Mudilu kuikila pa musonga wa nzubu wa nyanende, muishi kubanga difuima. Ke Nguvu kubuela mu nzubu bua kumuela muoyo. Musaka wa nzubu e kumuupukilawu. Ke kutuadijaye didila, eku Mudilu pawu umuosha. Nguvu udipuka lubilu e kadiela mu mayi.

Ke panudi numona Nguvu anu umvua diitudi dia mudilu, pende kuditua lubilu, muipacile mu mayi. Bakulu bambile ne "Kambela maayi, komba bululu ...".

Lusumuinu luela kudi munganga Ilunga Léonard
wa ku Cibila, Mariya wa Bulenga

 Munyaku 5: 10,  Cisua Munene 2000