Mushamusha

ne

Kana ka nzolo

Lusumuinu lua 20

Lusumuinu lua Mushamusha ne Kana ka nzolo

Kuvua Mushamusha eku, uvua anu unyingalala matuku onso bua bukese buende, ne bua dipanga kudiunda diende, pa kumona Kana ka nzolo kavuabo babatoye naku dituku dimue kenda kadiunda kakola. Matuku onso avuabo baya mu cituilu bua kudia, Mushamusha uvua amu ne kanyinganyinga ka dibenga kudiunda diende. Pa bualu ebu, uvua wambila Mvidi Mukulu ne: Udi munnyoke!

Didipu edi, benyi e kufika kua muena nzolo: kubakidilaye. Ke yeye ne mukajiende kuelabo cifufu bua kulongolola mushindu wa kudisha benyi babo. Bakenzakana mu cituilu e kumonabo Mushamusha ne Nzolo. Kutumabo bana ne: Kuatayi nzolo wawa tushibele benyi. Bipata Nzolo bua kumukuata, Mushamusha kubuka e kuikila pa cikolo bua kumona bionso biapitakana. Kushipabo Nzolo, kumuipika ne nshima e kupeshabo benyi.

Mushamusha pende muimana mutangila, ukema wamba ne: “Bu meme mudiunde bu Nzolo bavua banshipa lelu.” Ke kuambaye ne: “Nzambi wanyi tuasakidila. Bunene buwudi mumpe ebu mbukumbane. Undekele nunku.”

Lusumuinu lutuelela kudi Jean Médard Mpoyi wa ku Bakua Sumba

Munyaku 5: 8-9,  Kasuabanga 2000