Lusumuinu lua 19

Tudi bapete lusumuinu elu kudi mubadi wetu, Mukulu Muteba Anaclet Menji,
musombele mu MIBA. Umvuayi.

Lusumuinu lua mfumu mupange diakidila bantu

Kuvua mfumu wa musoko kampanda, muikale kayi musue bantu to. Pavuabo bamuyila kuende, uvua anu ubanyema, ubasokoma.

Dimue difuku, kuambilaye mukajiende ne: “Meme ngayi kasokoma muinshi mua muci wanyi wawa. Muntu yeye muvue kungebeja, umuambile ne: Kenaku to.”

Muabilayi kuyaye kasokoma. Ufika muinshi mua muci, utupula mesu e kumona nyama mubande kuulu kuawu. Kubikilaye babilembi. Bafika, Mfumu e kubaleja nyama. Bobo kumukuata, e kupesha mukalenga. Ewu kushala ne nyama, babilembi kupingana ku mabo, anu ne boya bua nyama bulamate ku nzadi.

Muanetu Anaclet Muteba udi webeja babadi ba Munyaku ne:
“Mfumu ewu uvua usokomasokoma bantu; kadi dia umona nyama, ke yeye kudileja.
 Pa kukenketa ngenzelu wende ewu nudi nuamba penu bishi?”

Munyaku 5: 6-7, Kabitende 2000