Katende ne nyama wa Kapumbu
Lusumuinu 6
Lusumuinu lua Katende ne nyama wa Kapumbu
Katenda ne Kapumbu bavua badie bulunda. Kapumbu kuambila Katende ne:Wewe musue kuvua kunsombesha, walonda anu njila wa cisuku, kulondu njila munene to. Ne meme panyi, pandi musue kuvua muebe, ndi ndonda njila mukese, bualu njila munene udi ne malu a bungi.
Dimue edi Katende kuasa luendu e kulonda njila munene uvua nyanende mumubele ne: kulondu. Muine amu kumusekelelabo kudi bukua nyama bumuambila ne: Uyaya kadia minyinyi ya tupumbu. Ufika kua Kapumbu, awu e kumuoshila nzolo. Katenda ne: Ciena ndia nzolo to, ndiadia amu nyinyi wa Kapumbu. Kapumbu kuambila mukajiende ne: kosa nyinyi wa ku cibelu cianyi eci, wipikila Katenda Kuenzekabio nanku. Ewu kudia nyinyi e kuambula ne uvua mushale, e kuya nende muende.
Dikuabo edi, Kapumbu kuasa pende luendu mutangile mua Katenda. Kulondaye njila munene. Kumusekelelabo kudi bukua nyunyi, bumuambila ne: Lelu uyaya kadia minyinyi ya tutende. Ufika, Katenda kufua nayo bu Mudiayi. Kuambilaye muena kuende ne:Teka mayi pa mudilu, pashishe ukose kaluma'a mukolo kanyi aka, wela mu luesu. Kuenzekabio nanku.
Bajikija anu dikosa dia kaluma'a mukolo, Katenda pende e kukula muoyo. Ke Kapumbu kuamba ne: Katenda wadifuishi, bualu kavua mulonde diyi dituvua bapunge nende nansha.
Wenu Kadima Pierre, wa ku Mwene-Ditu.
Luela mu Munyaku 5: 1 wa mu Luishi 2000
