Mukalenga Kamanyimanyi ne
mukalenga Cikoolukoolu

Lusumuinu 10

Lusumuinu lua mukalenga Kamanyimanyi ne
mukalenga Cikoolukoolu

Kuvua balunda babidi, mukalenga Kamanyimanyi ne mukalenga Cikoolukoolu. Kumvuanganabo dituku dikuabo bua kuya kasombesha mukalenga Dinzela.

Pakumbene dituku, lumuma lucikale ku bisosa, mukalenga Kamanyimanyi e kutupika, kubuuka e kuya mua Dinzela. Muamua, kusanganaye nyanabo mulongolole bionso.

Mukalenga Cikoolukoolu, kamanyi buvua munda mua Kamanyimanyi, kupicilaye muende e kumusangana mumane kuya. Kupututukaye, kudikoka e kufika mua Dinzela. Ufika muamua, e kubasangana basomba ku mesa, bayukila bilenga, bionso bimana kudia.

Ke mukalenga Cikoolukoolu ne: Kia ! Monayi ! Kamanyimanyi, banga ke kutuvua tuya nebe eku ! Ciwenji ncinyi ? Ukadi mufike munemu ! Waditembi bualu meme ciena ne masala bu ebe ! Dimue ndiba ... ngadia kupeta panyi nsala bu yebe.

Diumvuija dia kasumu aka didi ne: "Nuenu bankolomo, asayi mafu bucika, ku cinu kunudi nutua aku, nushile penu bansonga".

Lusumuinu elu luvua mu Munyaku 5: 2-3 wa Cisanga 2000