Cibalula

ne

Nyoka wa Muma

Lusumuinu lua 22

Lusumuinu lua Cibalula ne Nyoka wa Muma

Kuvua muntu kampanda dina ne: nCibalula wa lukosa mungu ya ditu. Uvua muluki wa bikanga. Kavua ne muaba wa kulala to; ciende ciladilu civua masela asatu: Muinamu ke muvuaye ulukila bikanga biende abio. Uvua musue kusomba ne bantu, kadi bua manyanu ne tubuasa bivuaye nabio, bantu bavua bamuipacila pa bule.

Dimue edi, kuyaye muitu bua kutapa mungu yende. Ne atupule mesu, kumonaye Muma mulale munkaci mua mungu. Diakamue kuyaye lubilu. Ke Muma kumuela diyi ne: Lekela kunyema, pingana nkuleje. Ufika pabuipi, e kusangana Muma mukole, mukunze cididi, kayi dimona. Ke Muma kumuambila ne: Ngambula, unteke pa mukuna, utape mungu yebe, pashishe uvue kumpingaja amu pa muaba wanyi ewu.

Cibalula kuitaba e kuenza civua Muma mumuambile. Muma pende kumukolesha ku muoyo, wamba ne: Ndaku, upule mungu yebe ayo amu pa muaba webe wa cibidilu; neumone masanka a dikema. Ufika ne mungu, uyitula panshi, kudimonaye ukadi Mukalenga wa ditunga, bantu bungi kabuyi kubala bamuela ngoma ne madimba, amu muvua Muma mumuambile.

Muma uvua mumuambila kabidi ne: Tatuende wa mukajiebe yeye mufue kuyi to. Wewe muye, ndiebe diakabi. Dimue edi, Cibalula e kupeta mukenji wa madilu, mufume ku buku buende. Bua dipita kumusuya dia bantu, kuitabaye e kuya ku madilu awo. Mukalenga upingana kuende ne mukajiende, kudimonaye ukadi mupingane muende mua kale amu. Kuelaye muadi mutangile muitu muvua Muma. Kadi kakucivua cia kuenza kabidi nansha. "Muyaya nganga wamuya, bua kuvu kupa nganga cilema".

Lusumuinu lutuelela kudi Mukandila Marcel

Munyaku 5: 8-9,  Kasuabanga 2000