Kebeji wakapambuka

Munyaku udi unuela muoyo, nuenu badi bawutancile bua kudisanga nawu mu cibambalu eci cidi dina ne: "Kebeji wakapambuka".

Nkonko
Mu cine cibambalu eci babadi ba Munyaku basombele bela babadi nabo nkonko pa malu mashilangane adi abatonda mu lungenyi. Bamue badi bela nkonko pa bidi bitangila nshidimukilu wa bena Kasayi,  bakuabo badi bebeja pa malu menzeka. Aba bakeba lungenyi pa nsumuinu ya bena kale, bakuabo pa bibidilu bia bankambua. Bamue badi bela nkonko pa  muakulu wabo wa Ciluba, bakuabo pabo pa nsombelu wa bena Kasayi. Aba bebeja bua kumanya malu a bankambua, banga balomba lungenyi pa malu adi abatonda lelu.

Mandamuna
Nkonko yonso ayo Munyaku udi uyifunda mu cibambalu eci cia "Kebeji", muikale usengelela babadi, badi mua kuikala ne lungenyi lusunguluke pa malu mebeja, bua bawutumine mandamuna abo.

nkonko

mandamuna

Mua kuenza

Madidishi
Pa nanku, nuenu badi babadila Munyaku mu Cibanza cietu eci cia www.Alfakasayi.org , ne bikale bafike mu cibambalu cia Kebeji eci, nudi nusangana mu dididishi dia ku luseke lua dia bakaji nkonko miela mu cikondo kampanda. Muntu muikale ujinga mua kumanya mandamuna mafila kudi babadi ba Munyaku, anji atue mbote ku kazubu ka diandamuna kadi kuinshi kua lukonko. Diba adio diandamuna difila didi dimuenekela mu dididishi edi dia ku dia balume. Pamue apa diandamuna didi dimuenekela mu dididishi dipiadipia ditenteka pampala pa makuabo; ebi bidi bienzeka padi lukonko luikale luela mu cikondo, diandamuna padio difila mu cikondo cikuabo.

Masangu ne njila
Munda mua cipapu cidi kulu kua kazubu ka nkonko, nudi basangane mitu ya malu: minene ku luseke lua dia bakaji, milondele ku luseke lua dia balume. Minene tudi tuyibikila ne: mMasangu; milondele payo ne: nNjila, bualu yoyo eyi ke idi inufikisha ku malu enu a buaciabuacia. Wowo aa ngavua mafikishe bakuetu ku diela dia nkonko yabo.

Mua kuendela mu njila eyi
Mu mine njila eyi nudi nusangana bitudidi (1°, 2° a.n;). Wewe mutue mbote ku citudidi 1° cia njila kampanda, udi ufika ku lukonko lua kumpala lua mu njila ewu. Citudidi 2° pacio cidi cikufikisha ku lukonko luibidi; amu nanku.

Pawudi mumane kubala lukonko, wewe musue kumanya diandamuna divuabo bafile kudi babadi bakuabo, utue mbote ku kazubu ka 'diandamuna'. Wewe musue kupingana kuwafumu, tuaku ku kazubu ka 'masangu'.

Kolayi !

Nuenu penu bikale bamanye diandamuna
ku lukonko kampanda, kanubengi mua kutumanyishadio.

Nansha nkonko yenu mipiamipia tudi anu tuyitekemena.

Ke tuetu aba,
bena kasaka kakulu ka Alfa, bapatudi ba Munyaku,
pamue ne babadi bawu bonso
badi mu Kongo ne badi mu matunga a kule.

Kolayi !
Bobobo, bu musuasua, bu nyindu, bu ciamu cia mu ditanda !

Utue mbote eku

bua kutufundila webe mukanda